Лінкі ўнівэрсальнага доступу

Трэцяя нядзеля дваровых маршаў. Што адбываецца ў Беларусі на 120-ы дзень пратэстаў


Шэсьце ў Залатой Горцы ў цэнтры Менску, 6 сьнежня

Коратка

У Беларусі сёньня праходзяць «дваровыя маршы» пратэсту супраць фальсыфікацыі прэзыдэнцкіх выбараў і гвалту сілавікоў. Свабода вядзе онлайн-рэпартаж з падзей.

Калі нешта адбываецца каля вас, дасылайце нам фота і відэа на @SvabodaBelarus_Bot.

11:34 6.12.2020

Вадамёты, аўтазакі і іншая спэцтэхніка ў розных раёнах Менска

Спэцтэхніку ў дзень чарговага маршу пратэсту заўважылі ля мэтро «Ўсход», на Каменнай Горцы, ля Кальварыі і ў іншых раёнах Менска. А на Кастрычніцкай плошчы выставілі агароджу.

11:35 6.12.2020

Зноў перабоі ў працы менскага мэтро

Чытачы паведамляюць, што на пасадку і высадку зачыненыя станцыі мэтро «Кастрычніцкая», «Купалаўская» і «Няміга». Побач з плошчай Незалежнасьці дзяжурыць міліцыя.

11:44 6.12.2020

У Менску заўважылі сілавіка за сабакай

Упершыню на нядзельных маршах заўважаны сілавікі з сабакам. Фота зроблена ў менскай Малінаўцы.

11:49 6.12.2020

Марш жыхароў Заслаўя ў Петрышках

Свой марш арганізавалі жыхары Заслаўя. Сёньня яны прыехалі да жыхароў аграгарадка Петрышкі.

12:02 6.12.2020

Ціханоўская падтрымала ўдзельнікаў «Маршу Волі»

Сьвятлана Ціханоўская каля Брандэнбурскай брамы, Бэрлін, 5 кастрычніка.
Сьвятлана Ціханоўская каля Брандэнбурскай брамы, Бэрлін, 5 кастрычніка.

Сьвятлана Ціханоўская перад нядзельным маршам пратэсту апублікавала зварот.

«Я падтрымаю ўсіх, хто выйдзе ў свой двор, раён і горад. Кожны марш – гэта напамін пра тое, што беларусы не здадуцца. Мы не дазволім адбіраць нашыя правы і зачыняць вочы на злачынствы. І нагадаем пра гэта кожнаму, хто апынецца ў Адзінай кнізе рэгістрацыі злачынстваў».

12:04 6.12.2020

Другую нядзелю запар праблемы з Тэлеграмам

Паведамляюць, што пасьля 11-ай раніцы ў некаторых пачаліся праблемы з доступам у Тэлеграм. Калі ў вас ёсьць праблемы з загрузкай паведамленьняў, фота \ відэа – паспрабуйце скарыстацца – проксі-сэрвэрамі для Тэлеграма або ўсталюйце на тэлефон Psiphon ці іншыя праграмы для абыхода блякаваньня.

12:21 6.12.2020

«Са стэлы зьнялі ачапленьне»

Ранкам яшчэ было, кажа чытач. Таксама сілавікі прыбіраюць выстаўленыя раніцай агароджы і сыходзяць з Кастрычніцкай плошчы. Нешматлікія сілавікі патрулююць цэнтар Менску.

12:31 6.12.2020

Мэтро ў Менску працуе ў штатным рэжыме

Усе станцыі мэтро з 12.15 адкрытыя і працуюць у штатным рэжыме. Раней паведамлялася пра закрыцьцё некалькіх станцый у цэнтры сталіцы.

12:41 6.12.2020

У Гомлі людзі сталі ў чаргу, каб падтрымаць пякарню

У Гомлі праходзіць акцыя салідарнасьці з зачыненай уладамі «Хлебнай майстэрняй». Невялікае прыватнае прадпрыемства зачынілі ўлады пасьля таго, як яно не працавала 26 кастрычніка. Сёньня «Хлебная майстэрня» адкрылася (пакуль на адзін дзень), і жыхары Гомля сталі ў чаргу, каб падтрымаць іх.

12:44 6.12.2020

Беларускі форвард маскоўскага ЦСКА падпісаў ліст за сумленныя выбары і супраць гвалту

Футбаліст Ільля Шкурын і раней актыўна выступаў супраць гвалту ў Беларусі, пасьля жнівеньскіх падзей ён паведаміў, што ня будзе выступаць за зборную краіны, пакуль ва ўладзе знаходзіцца Лукашэнка.

На гэты момант зварот падпісала больш за 1500 беларускіх спартоўцаў.

12:47 6.12.2020

У раёне палаца Незалежнасьці шмат спэцтэхнікі

Пра гэта паевдамляе Tut.by.

12:53 6.12.2020

Калёна ў Лебядзіным (Менск)

12:56 6.12.2020

Першыя затрыманьні ў Менску

Каля 12:00 у розных раёнах горада людзі пачалі зьбірацца ў дварах. Паступаюць паведамленьні аб першых разгонах. Так, некалькі бусаў з АМАПам прыехалі на вуліцу Чачота, дзе пачынала фармавацца калона жыхароў Брылевічаў. Людзі пачалі разьбягацца па дварах, кагосьці затрымалі, паведамляе Онлайнер.

Адбыліся затрыманьні і на вуліцы Сталетава.

13:03 6.12.2020

Берасце. Людзі сабраліся на развітаньне з актыўным удзельнікам пратэстаў

43-гадовы Раман Рашэцкі быў актыўным удзельнікам пратэставага руху супраць сфальшаваных выбараў у Берасьці, некалькі разоў адбываў за гэта арышт. Памёр у ноч на 4 сьнежня, раніцай жонка заўважыла, што ён ня дыхае. Прычына сьмерці пакуль невядомая. Напярэдадні ў яго апісалі маёмасьць праз нявыплачаныя штрафы.

13:13 6.12.2020

Затрыманьні ў многіх раёнах

Чытачы паведамляюць, што каля 13-ай гадзіны пачаўся «хапун» у раёне мэтро «Пушкінская». Людзі зьбіраліся перайсьці вуліцу і ісьці на Каменную горку. А іх пад'ехаў бусік сілавікоў, тыя пабеглі за людзьмі ў падземку. Затрымалі некалькі чалавек. Таксама паведамляюць пра затрыманьні ў мікрараёне Лебядзіны, у Брылевічах, на вуліцы Сталетава і разгон у Сьляпянцы

13:13 6.12.2020

Людзі выходзяць, нягледзячы на затрыманьні

13:28 6.12.2020

«Жыве Беларусь!» на Старавіленскім тракце

Людзі скандуюць «Жыве Беларусь!» на вуліцы Асіпенкі (Старавіленскі тракт).

13:32 6.12.2020

У Горадні затрымалі журналістаў

У Горадні затрымалі журналістаў БелаПАН Марысю Харэвіч і Сяргея Людкевіча, якія асьвятлялі акцыю пратэсту.

13:39 6.12.2020

«Не забудем! Не простим!» У Менску працягваюцца дваровыя шэсьці

13:48 6.12.2020

Што адбываецца ва Ўруччы

Шмат сілавікоў сёньня ва Ўруччы, дзе ў мінулую нядзелю сабраўся адзін з найбольш людных маршаў. На фота сілавікі на вуліцы Русіянава паўгадзіны таму.

Загрузіць яшчэ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG