Лінкі ўнівэрсальнага доступу

Рэдактар «Нашай Нівы»: усіх супрацоўнікаў выданьня выклікаюць на допыты


«Наша Ніва»

Ягор Марціновіч напісаў у сваім Фэйсбуку, што ўсіх журналістаў «Нашай Нівы» выклікаюць на допыты па крымінальнай справе, у якой галоўны рэдактар выданьня выступае ў якасьці падазраванага.

«Сьледчы камітэт запускае свой канвэер. На наступны тыдзень выклікаюць на допыты ўсіх 20 супрацоўнікаў „Нашай Нівы“», — напісаў Марціновіч.

Галоўны рэдактар «Нашай Нівы» зьяўляецца падазраваным па арт. 188 Крымінальнага кодэксу (паклёп). Пацярпелым праходзіць былы намесьнік міністра МУС (цяпер памочнік прэзыдэнта па Менску) Аляксандар Барсукоў.

У артыкуле «Нашай Нiвы» «дыджэй пераменаў» Улад Сакалоўскі сказаў, што Барсукоў зьбіваў яго на Акрэсьціна. Ён расказаў, што палову тэрміну правёў у карцары, а на нарах спаў усяго дзьве ночы — тры астатнія драмаў на зэдліку.

Пазьней даведаўся, што яго асабіста зьбіваў намесьнік міністра ўнутраных спраў Аляксандар Барсукоў. Баючыся далейшага перасьледу, Улад Сакалоўскі і Кірыл Галанаў зьехалі ў Літву.

Арт. 188 прадугледжвае пакараньне ў выглядзе штрафу, або папраўчых работ на тэрмін да двух гадоў, або арышту, або абмежаваньня волі на тэрмін да трох гадоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG