Лінкі ўнівэрсальнага доступу

Франкфурт-на-Одэры — Віцебску: Мы захапляемся мужнасьцю мірных пратэстоўцаў


Адна з акцый пратэсту ў Віцебску

Горад-пабрацім Віцебску Франкфурт-на-Одэры даслаў адкрыты ліст віцяблянам.

«Мы бачым тысячы людзей рознага веку, якія мірна пратэстуюць супраць фальсыфікацыі вынікаў прэзыдэнцкіх выбараў у жніўні і за ўвядзеньне ўласнай дэмакратыі», — гаворыцца ў лісьце, тэкст якога публікуюць «Народныя навіны Віцебску».

«Мы захапляемся вашай мужнасьцю і настойлівасьцю. Адначасова мы вельмі занепакоеныя тым, што сытуацыя ў вашым горадзе і вашай краіне можа зазнаць эскаляцыю. Бо мы бачым, што міліцыя і вайскоўцы прымяняюць зброю супраць мірных дэманстрантаў».

У Франкфурце-на-Одэры ўжо месяц працуе выстава пра партнэрства гарадоў. Сярод іншага на ёй два стэнды прысьвечаны пратэстам у Віцебску.

Ліст падпісалі обэр-бургамістар Франкфурту-на-Одэры, старшыня гарадзкога сходу дэпутатаў, старшыня працоўнай групы «Віцебск» і кіраўнік аддзелу культуры, адукацыі і грамадзянскага ўдзелу ў Эўропе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG