Партал onliner высьветліў, што затрыманага завуць Ян, яму 30 гадоў.
Пасьля «гутаркі» маладога чалавека адвезьлі ў шпіталь хуткай дапамогі, цяпер ён у аддзяленьні нэйрахірургіі.
«У мяне страсеньне мозгу, зламаны нос, расколіна, пацярпела левая шчака, — кажа Ян. — Што да самаадчуваньня... Ляжаць магу, сядзець цяжка».
На відэа затрыманы паведамляе, што ён дызайнэр-фрылансэр. Выгляд у яго кепскі, твар чырвоны. Галасы за кадрам задаюць пытаньні, мужчына, задыхаючыся, спрабуе адказваць. У канцы просіць прабачэньня і паведамляе, хто «яго прэзыдэнт».
