Грошы на выплату маральнай школы возьмуць зь бюджэту, паведаміў Tut.by.
Андрэй Галавач амаль тры гады правёў пад вартай праз падазрэньне ў атрыманьні хабару ў буйным памеры. Яго затрымалі 6 траўня 2015 году, а 5 лютага 2018 году суд яго апраўдаў.
На працягу ўсяго сьледзтва, а таксама суду, Галавач і ягоныя абаронцы неаднаразова заяўлялі хадайніцтвы аб спыненьні крымінальнай справы праз адсутнасьць у яго дзеяньнях складу злачынства. Хадайніцтвы адхіляліся.
Пасьля апраўдальнага прысуду ў справе аб атрыманьні хабару ў буйным памеры (ч. 2 і 3 арт. 430 КК), Галавач яшчэ больш за год быў пад вартай праз абвінавачаньне ў злоўжываньні службовымі паўнамоцтвамі (ч. 2 арт. 424 КК), але ў пазоў да Мінфіну аб кампэнсацыі галоўны інжынэр МЗКЦ уключыў толькі ўтрыманьне пад вартай паводле першага артыкулу, нягледзячы на тое, што быў апраўданы і па другім.
