Лінкі ўнівэрсальнага доступу

За ўчора выявілі яшчэ паўтары тысячы новых хворых на COVID-19 беларусаў


Ілюстрацыйнае фота

За апошнія суткі ў Беларусі зарэгістравалі 1564 новыя выпадкі інфэкцыі COVID-19. Памерлі 7 чалавек, паведамляе Міністэрства аховы здароўя.

Агульная колькасьць пацьверджаных выпадкаў каранавірусу дасягнула 123 999, памерлых — 1096 чалавек.

Паправіліся і выпісаныя 1735 чалавек за дзень, 102 113 — за ўвесь час.

Днём раней, 21 лістапада, паведамлялі пра 1588 новых хворых і 8 сьмерцяў.

Міністэрства аховы здароўя зь вясны не публікуе статыстыку тых, хто захварэў па абласьцях і Менску, а таксама цяжкіх хворых, якія знаходзяцца на апаратах штучнай вэнтыляцыі лёгкіх. Ужо паўгода міністэрства не праводзіць прэс-мерапрыемстваў на гэтую тэму.

На ўсёй тэрыторыі Беларусі цяпер дзейнічае абавязковы масачны рэжым. Сродкі індывідуальнай засьцярогі прадпісана выкарыстоўваць ва ўсіх грамадзкіх памяшканьнях і ў грамадзкім траснпарце.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG