На відэа, якое апублікаваў Onliner.by, відаць, як людзі ў чорным і цывільным даганяюць чалавека і валяць яго на зямлю. На заднім пляне двое ў цывільным вядуць яшчэ аднаго мужчыну. Чытачы паведамілі пра трэцяга затрыманага, якога ня бачна на відэа.
Здарэньне адбылося на Авіяцыйнай вуліцы, 1.
Паводле тэлеграм-каналаў, невядомыя людзі прыехалі ў Новую Баравую, каб зьняць банэр з выявай герояў пратэстаў, а затрымалі людзей, якія выйшлі яго абараняць.
