Лінкі ўнівэрсальнага доступу

«Як раней, ужо ня будзе». Мэдыкі запісалі відэазварот да сілавікоў і чыноўнікаў Беларусі


Ілюстрацыйнае фота. Ланцуг салідарнасьці мэдыкаў РНПЦ анкалёгііі мэдычнай радыялёгіі 29 кастрычніка

10 лістапада мэдыцынскія работнікі Беларусі апублікавалі відэазварот «да супрацоўнікаў сілавых ведамстваў і чыноўнікаў усіх узроўняў».

У звароце яны гавораць пра звальненьні работнікаў арганізацый і прадпрыемстваў і адлічэньні студэнтаў за іх грамадзянскую пазыцыю, «шантаж» бацькоў, у якіх пагражаюць забраць дзяцей.

«Чыноўнікі і сілавікі. Не рабіце злачынстваў супраць уласнага народу. Вы разумееце, што злачынства, зьдзейсьненае паводле загаду, не зьніжае яго цяжкасьць і не здымае з вас адказнасьці», — гавораць мэдыкі ў звароце.

Таксама яны зьвяртаюцца да супрацоўнікаў міліцыі, МНС і вайскоўцаў:

«Вы ня можаце ня бачыць, што ваша форма сёньня пакрытая ганьбай, а ўсялякі давер народа да вас страчаны. Вы ня можаце не заўважаць, зь якой пагардай людзі глядзяць вам усьлед. Вы дастаткова разумныя, каб зразумець і прыняць той факт, што як раней, ужо ня будзе», — гаворыцца ў звароце.

Мэдыкі падкрэсьліваюць, што ўсе злачынствы, зьдзейсьненыя сілавікамі, не застануцца беспакаранымі. Кажуць, што не зьвяртаюцца да іх сумленьня, гонару і пачуцьця абавязку, бо «іх адсутнасьць вы даказалі сваімі ўчынкамі», але заклікаюць «выключна да інстынкту самазахаваньня».

Яны заклікаюць неадкладна:

  • спыніць усялякі гвалт і рэпрэсіі і адмяніць прынятыя раней рэпрэсіўныя рашэньні,
  • вызваліць палітвязьняў, прыцягнуць да адказнасьці ўсіх вінаватых у зьбіцьці і катаваньнях,
  • незаконных звальненьнях і адлічэньнях, фальсыфікацыі выбараў,
  • правесьці новыя прэзыдэнцкія выбары па ўсіх міжнародных стандартах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG