Лінкі ўнівэрсальнага доступу

Пасьля Маршу пэнсіянэраў затрымалі дацэнтку БДУ Тацяну Сініцу


Псыхоляг Тацяна Сініца
Псыхоляг Тацяна Сініца

Пасьля сёньняшняга Маршу пэнсіянэраў была затрыманая Тацяна Сініца, кандыдатка псыхалягічных навук, дацэнтка факультэту філязофіі і сацыяльных навук БДУ. Пасьля затрыманьня яна была дастаўленая ў Маскоўскі РУУС.

Пра гэта паведамляе партал TUT.BY са спасылкай на Тэлеграм-канал «Студэнцкая думка»

У паведамленьні каналу сказана, што яе затрымалі ўжо пасьля маршу, і сваім затрыманьнем яна выратавала студэнтаў, зь якімі яна была на акцыі.

Тацяна Сініца аймаецца ўнікальным праектам альтэрнатыўнай камунікацыі для невэрбальных людзей, вывучала эмоцыі дзяцей з асаблівасцямі. Яна — адзіны практыкуючы спэцыяліст у гэтай галіне.

Сёньня прынамсі 50 выкладчыкаў і супрацоўнікаў БДУ запісалі відэазварот «Унівэрсытэт — тэрыторыя свабоды».

У запісе прыняла ўдзел і Тацяна Сініца. «Вышэйшая мэта сфэры адукацыі і яе работнікаў — дапамагчы сфармавацца асобе. Ва ўмовах несвабоды гэта немагчыма», — сказала яна ў звароце.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG