Лінкі ўнівэрсальнага доступу

Чаго беларусам чакаць ад Джо Байдэна. Адказы дырэктаркі GLOBSEC Policy Institute


Джо Байдэн набраў дастатковую колькасьць галасоў электараў, каб зрабіцца прэзыдэнтам ЗША, паведамілі Associated Press, CNN, Fox News, NBC News і іншыя буйныя амэрыканскія СМІ на падставе папярэдніх вынікаў падліку галасоў.

На пытаньні Радыё Свабода пра пэрспэктывы «беларускай палітыкі» верагоднай новай адміністрацыі ЗША адказала дырэктарка базаванага ў Браціславе міжнароднага аналітычнага цэнтру GLOBSEC Policy Institute Алена Кудзько.

Сьцісла:

— Судовыя пазовы і пералік галасоў наўрад ці зьменяць пераможцу выбараў. Але наперадзе два хаатычныя месяцы, а ў больш доўгай пэрспэктыве ЗША будуць падзеленыя і занятыя ўнутранымі праблемамі. Гэта значыць, што ў амэрыканцаў будзе менш часу і рэсурсаў, каб рэагаваць на тое, што адбываецца ў сьвеце.

— Пры ўсёй рыторыцы Трампа, ягоная адміністрацыя праводзіла палітыку ўзмацненьня ўсходняга крыла NATO. Амэрыканскі прэсінг на краіны Заходняй Эўропы ў пытаньні выдаткаў на абарону быў на руку краінам Цэнтральнай Эўропы.

— Байдэн будзе выказвацца больш адназначна наконт таго, што адбываецца ў Беларусі. Таксама будзе больш каардынацыі паміж адміністрацыяй прэзыдэнта ЗША і Дзяржаўным дэпартамэнтам. Пры Трампу яны маглі часам праводзіць не зусім скаардынаваную палітыку адносна Беларусі. Цяпер Дзярждэпартамэнт атрымае больш паўнамоцтваў.

— Байдэн будзе больш каардынаваць зьнешнюю палітыку з Эўразьвязам, і гэта стварае магчымасьць новых узгодненых санкцыяў адносна ўладаў Беларусі.

— Абсалютна рэальны «плян Маршала для Беларусі», які паабяцаў падтрымаць Байдэн, — пакет эканамічнай падтрымкі, калі ў Беларусі адбудуцца дэмакратычныя зьмены. Аб’ём інвэстыцый, які для гэтага патрабуецца, зусім невялікі ў маштабах бюджэту ЗША.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG