Лінкі ўнівэрсальнага доступу

Блогеру Пальчысу выставілі абвінавачаньне па артыкуле «масавыя беспарадкі», яму пагражае да 15 год зьняволеньня


Эдуард Пальчыс
Эдуард Пальчыс

Блогера Эдуарда Пальчыса абвінавацілі па частцы 1 артыкула 293 Крымінальнага кодэксу Беларусі «Масавыя беспарадкі», паведамляе Праваабарончы цэнтар «Вясна».

«Сёньня Эдуарду Пальчысу афіцыйна прад’явілі абвінавачаньне па ч.1 арт. 293 УК РБ. Кіраўнік сьледчай групы — Андрэй Еўлаш», — піша «Вясна».

Пакараньне па гэтым артыкуле — да 15 год зьняволеньня.

30 верасьня блогера, які пасьля сайта 1863х завёў тэлеграм-канал PALCHYS, арыштавалі на 30 дзён. Першы тыдзень яму не давалі сустрэцца з адвакаткай — Марыяй Колесавай-Гудзілінай, упершыню ён сустрэўся зь ёю толькі 10 кастрычніка. Адбыўшы месяц у ізалятары, на волю Пальчыс ня выйшаў.

27 кастрычніка сваякі даведаліся, што Эдуарда лічаць фігурантам крымінальнай справы.

Цяпер Эдуарда Пальчыса трымаюць пад вартай у СІЗА нумар 1 на вуліцы Валадарскага ў Менску.

У 2015 годзе Пальчыс ужо праходзіў па крымінальнай справе. Пад псэўданімам Джон Сільвер ён публікаваў на сваім сайце матэрыялы з крытыкай беларускіх і расейскіх уладаў. Яго арыштавалі ў Расеі і ў траўні 2016-га экстрадавалі ў Беларусь. Абвінавачаньні былі прад’яўленыя па двух артыкулах Крымінальнага кодэксу: па ч. 1 арт. 130 (распальваньне расавай, нацыянальнай або рэлігійнай варожасьці), а таксама па ч. 2 арт. 343 КК (распаўсюд парнаграфічных матэрыялаў).

У канцы кастрычніка таго ж году Менскі гарадзкі суд прызнаў блогера вінаватым і прысудзіў яму 1 год і 9 месяцаў без накіраваньня ва ўстанову адкрытага тыпу. З улікам часу, адбытага ў СІЗА, яму заставалася правесьці пад падпіскай месяц.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG