Лінкі ўнівэрсальнага доступу

Выкладчыкі і студэнты хімічнага факультэту БДУ падтрымалі страйкоўцаў «Гродна Азоту». ВІДЭА


Марш ў Горадні ў падтрымку рабочых заводу «Азот», якія вядуць страйк. 31 кастрыніка.

Студэнты і супрацоўнікі хімічнага факультэту Белдзяржунівэрсытэту выказалі салідарнасьць з рабочымі «Гродна Азоту», якія пачалі страйк, паведамляе тэлеграм-канал страйкаму «Азоту», куды даслалі відэа.

У сваім відэазвароце прадстаўнікі ВНУ заклікалі рабочых прадпрыемства «не трываць працу з-пад амапаўскіх дубінак», а далучацца да «змаганьня за свае працоўныя й грамадзянскія правы».

«Вы — лідэры страйкавага руху ўсёй Беларусі. Сілавікі затрымліваюць і б'юць вашых калег, але вы справядліва і сьмела супрацьстаіце чарговай хвалі бязладзьдзя ў нашай краіне. Іншыя завадчане натхняюцца прыкладам рабочых-азотаўцаў і падключаюцца да барацьбы».

Хімічны факультэт БДУ — адзін з пастаўшчыкоў кадраў на «Гродна Азот». Прадпрыемства зьяўляецца адным зь вядучых у хімічнай галіне Беларусі. З самых першых дзён пасьля прэзыдэнцкіх выбараў многія рабочыя заводу актыўна ўключыліся ў барацьбу за канстытуцыйныя правы. 13 жніўня калёна супрацоўнікаў прадпрыемства прайшла маршам па Горадні.

Цэх «Аміяк-3», рабочыя якога страйкуюць, — адзін з ключавых цэхаў прадпрыемства, ён актыўна падключыўся да страйку 26 кастрычніка. Кіраўніцтва заводу адмаўляла вялікія праблемы на вытворчасьці, але потым зьвярнулася па дапамогу брыгад зь іншых гарадоў Беларусі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG