Каранавірус выявілі ў 55 студэнтаў і 17 выкладчыкаў, паведаміў тэлеграм-канал МДЛУ. Частку заняткаў перавялі ў онлайн-фармат. А на заняткі ў аўдыторыі трэба прыходзіць у масках.
Паводле ўстановы, з 2 лістапада ў Лінгвістычным унівэрсытэце, «каб мінімізаваць рызыкі распаўсюджваньня каронавіруснай інфэкцыі», адукацыйны працэс арганізавалі ў камбінаваным фармаце: аўдыторныя заняткі спалучаюцца з адным днём у онлайн-фармаце.
Студэнты мусяць прыходзіць ва ўнівэрсітэт у масцы, а калі яе забыліся, тады ўзяць на ўваходзе.
Паводле каналу, усе, хто захварэў, пераносяць каранавірус у лёгкай ці бессымптомнай форме.
У Беларусі зафіксавалі 101 329 выпадкаў COVID-19 з пачатку пандэміі. Паправіліся і выпісаныя 87 985 пацыентаў, у якіх раней быў пацверджаны дыягназ. За ўвесь пэрыяд распаўсюджваньня інфэкцыі на тэрыторыі краіны памерлі 992 пацыенты.
