На мінулым тыдні ў сьвеце зафіксавалі рэкордную колькасьць новых выпадкаў захворваньня COVID-19 — больш за 3,3 мільёна. Пра гэта гаворыцца ў справаздачы Сусьветнай арганізацыі аховы здароўя.
Адзначаецца, што найбольш прыкметны прырост хворых — у эўрапейскім рэгіёне.
Па дадзеных САЗ, ва ўсім сьвеце назіраецца рост сьмяротнасьці ад COVID-19.
Па дадзеных Унівэрсытэта Джонса Гопкінса, па стане на 4 лістапада ў сьвеце выявілі больш 47,4 мільёна інфікаваных каранавірусам. Ад COVID-19 памерлі больш за 1,2 мільёна чалавек, паправіліся больш 31,6 мільёна.
