Лінкі ўнівэрсальнага доступу

МЗС Расеі падтрымаў канстытуцыйную рэформу ў Беларусі як выхад з крызісу


Будынак МЗС Расеі ў Маскве
Будынак МЗС Расеі ў Маскве

Падзеі ў Беларусі застаюцца ўнутранай справай гэтай краіны, а выхадам з крызісу зьяўляецца правядзеньне канстытуцыйнай рэформы. Пра гэта 2 лістапада заявіў журналістам намесьнік міністра замежных спраў Расеі Андрэй Рудэнка.

«Усё, што адбываецца ў Беларусі, — гэта ўнутраная справа Беларусі, — цытуе Рудэнку агенцтва ТАСС. — Прэзыдэнт Лукашэнка выразна заявіў, што выхадам зь цяперашняй сытуацыі можа стаць працэс канстытуцыйнай рэформы — палітычны працэс з удзелам розных пластоў насельніцтва, у тым ліку прадстаўнікоў апазыцыі. Зыходзім менавіта з гэтага».

Адказваючы на пытаньне ТАСС, ці могуць пратэсты ў Беларусі скончыцца да канца году, Рудэнка сказаў, што адказ на яго павінен даць Лукашэнка.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG