У падпісным каталёгу «Белпошты» на першае паўгодзьдзе няма «Белгазеты», «„Комсомольской правды“ в Белоруссии», «Народнай волі» і «Свободных новостей плюс».
Менавіта гэтыя газэты з канца жніўня не друкуе дзяржаўны Дом друку (фармальная прычына — зламалася абсталяваньне) і не распаўсюджвае па падпісцы і ў раздроб «Белпошта» і «Белсаюздрук», якія таксама належаць дзяржаве.
Паводле зьвестак БелаПАН, рэдакцыі разьлічваюць вярнуць свае выданьні ў каталёг «Белпошты», бо гэтае прадпрыемства мае фактычна манаполію на рынку распаўсюду друкаваных СМІ.
Буйныя недзяржаўныя выданьні, у тым ліку «Народная воля» і «Наша ніва», ужо зьнікалі з каталёгу «Белпошты» і сеткі распаўсюду ў 2006–2008 гадах.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў