Лінкі ўнівэрсальнага доступу

Некалькі журналістак звольніліся з «„Комсомольской правды“ в Беларуси»


Адразу некалькі вядомых журналістак заявілі ў сацыяльных сетках пра свой сыход з «„Комсомольской правды“ в Беларуси». Сярод іх Эвіка Ота, Вольга Івашанка, Іна Качаткова, паведамляе тэлеграм-канал Беларускай асацыяцыі журналістаў.

Намесьніца галоўнага рэдактара «„Комсомольской правды“ в Беларуси» і шэф-рэдактар «Таўстушкі» Іна Качаткова напісала ў Facebook:

«Сёньня быў апошні дзень маёй працы ў „Камсамолцы“... Яшчэ пару месяцаў таму нават ня думала, што давядзецца паведамляць нешта падобнае, але 2020-ты ўсім нам паказаў, чаго вартыя нашы пляны і намеры. Ня буду распавядаць пра тое, што для мяне значыла гэтая праца — скажу толькі, што ў сьнежні было б 20 гадоў, як я працую ў «„Комсомольской правде“ в Беларуси». Амаль палова жыцьця... Так што так, гэта вельмі балюча. Але яшчэ больш балюча даюцца нейкія ўнутраныя кампрамісы, асабліва сёньня. Усім, з кім працавала гэтыя гады побач, падзякую словамі з пляката, які ў адзін зь цяжкіх дзён жніўня прымацавалі на нашым паверсе чытачы: дзякуй за праўду, дзякуй за сьмеласьць, за талент, прафэсіяналізм, за падтрымку. За ўсё».

31 жніўня галоўны рэдактар беларускага выпуску газэты «Комсомольская правда» Андрэй Ляўкоўскі, які кіраваў рэдакцыяй больш за 10 гадоў, быў паніжаны да першага намесьніка.

Ягонае месца заняла Марына Бунакова. Яна з Хабараўску, была там рэдактарам «KP.RU в Хабаровске». Затым працавала ў асноўным офісе расейскай «Камсамолкі» ў Маскве.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG