Лінкі ўнівэрсальнага доступу

Як у Менску прайшлі суботнія маршы жанчын і людзей з інваліднасьцю, а ў Горадні — марш у падтрымку «Азоту»


Сумесны марш пратэсту жанчын і людзей з інваліднасьцю, Менск, 31 кастрычніка.
13:13 31.10.2020

13:19 31.10.2020

Да ганку лінгвістычнага ўнівэрсытэта нясуць кветкі ў знак салідарнасьці з адлічанымі і пацярпелымі студэнтамі

13:30 31.10.2020

Жаночы марш пачаўся ў Менску

Пунктам збору быў кінатэатр «Беларусь».

13:42 31.10.2020

Міліцыя папераджае жанчын пра адказнасьць за несанкцыянаваную акцыю

Менск. Міліцыянт праз гукаўзмацняльнік паведамляе, што марш жанчын — несанкцыянаваны, за гэта жанчыны могуць быць прыцягнутыя да адказнасьці. Калёну здымае невядомы ў цывільным.

13:43 31.10.2020

Жаночы марш рушыў па вуліцах Менску

Людзі скандуюць "Жыве Беларусь!"

13:47 31.10.2020

На жаночы марш у Менску прыехалі сілавікі

Пакуль без затрыманняў.

13:52 31.10.2020

Некалькі соцень чалавек бяруць удзел у традыцыйным суботнім жаночым маршы

Удзельніцы акцыі сабраліся ў сквэры каля кінатэатра «Беларусь» у Менску. За імі назіралі двое супрацоўнікаў міліцыі ў форме. На прылеглых вуліцах стаялі мікрааўтобусы з сілавікамі.

У 13.30 жанчыны адправіліся калёнай па вуліцы Раманаўская слабада ў бок Нямігі, яны скандуюць лёзунгі ў падтрымку сумленных выбараў, палітвязьняў і страйкоўцаў.

Сёньняшні жаночы марш закліканы паказаць салідарнасьць са страйкоўцамі. «Мы выходзім на марш заклікаць усіх далучыцца да нацыянальнага страйкавага руху і падтрымаць тых, хто ўжо страйкуе», — гаварылася ў закліку да акцыі.

13:54 31.10.2020

Новыя крычалкі на жаночым маршы

«Шчасьце бульбаша — жыцьцё без Лукаша»,— жанчыны прыйшлі на вуліцу Нямігу з такой крычалкай.

13:58 31.10.2020

Некалькі соцень удзельніц жаночага маршу скандуюць «Честные выборы!»

14:03 31.10.2020

Праходзячы каля СІЗА на вуліцы Валадарскага, удзельніцы маршу скандуюць «Свабоду!»

14:07 31.10.2020

У Менску пачаўся чарговы марш людзей зь (не)абмежаванымі магчымасьцямі

У цэнтры Менску пачаўся чарговы марш людзей з (не) абмежаванымі магчымасьцямі. Каля 40 удзельнікаў акцыі пайшла ад Чырвонага касьцёлу па праспэкт Незалежнасьці. У іх ліку вядомы грамадзянскі актывіст 83-гадовы паэт Ян Грыб, людзі ў інвалідных калясках, а таксама з мыліцамі і кіямі. Дэманстранты нясуць кветкі, бел-чырвона-белыя стужкі і сьцягі, плякаты з надпісамі: «Я хаджу за ўнучак, Танечку і Сашаньку», «Інваліды супраць катаваньняў», «Наша вазьму! Жыве Беларусь!» і іншымі.

За тым, што адбываецца назіраюць супрацоўнікі міліцыі ў форме, вядзецца відэаздымка. У мэгафон прысутных папярэджвалі аб тым, што мерапрыемства несанкцыянаванае.

Сёньняшні марш праходзіць пад дэвізам «Інваліды цела супраць бязьмежжа інвалідаў душы». Папярэдні падобны марш прайшоў 22 кастрычніка і доўжыўся каля двух гадзін. Яго ўдзельнікі прайшлі ад Чырвонага касьцёла да Кастрычніцкай плошчы.

14:09 31.10.2020

На праспэкце Незалежнасьці марш жанчын аб'яднаўся з маршам людзей з інваліднасьцю

14:20 31.10.2020

Аб’яднаная калёна людзей з маршу жанчын і людзей зь інваліднасьцю каля КДБ скандуе «Выпускай!»

14:26 31.10.2020

Удзельнікі жаночага маршу і маршу людзей з інваліднасьцю аб’ядналіся ў адну калёну

Гэта адбылося на скрыжаваньні праспэкта Незалежнасьці з вуліцай Валадарскага ў Менску. Удзельнікі маршу людзей з (не)абмежаванымі магчымасьцямі рухаліся ад Чырвонага касьцёла.

Жаночы марш накіроўваўся да праспэкта Незалежнасьці ад кінатэатра «Беларусь» па Раманаўскай Слабадзе і вуліцы Валадарскага. Зараз у агульнай калёне каля 200 чалавек.

Дэманстранты скандуюць: «Нашы дзеці лепш за ўсіх!», «Глядзі ў акно, а не ў тэлевізар!». Праходзячы міма будынкаў МУС і КДБ, удзельнікі акцыі таксама скандавалі «Трыбунал!»

Дэманстрантаў суправаджаюць сілавікі ў мікрааўтобусах. Аўтамабілісты, якія праяжджаюць ля іх, сігналяць у падтрымку акцыі.

14:32 31.10.2020

Калёна жанчын і людзей з інваліднасьцю дайшлі да Кастрычніцкай плошчы Менска

14:36 31.10.2020

Таймлапс калёны пратэстоўцаў у Менску. Як яна выглядае. ВІДЭА

Каля ГУМу калёна людзей з інваліднасьцю паварочвае на вуліцу Леніна, бо ўдзельнікі ня могуць спусьціцца ў пераход. Калёна жанчын рушыць далей па праспэкту.

14:50 31.10.2020

З такімі плякатамі ішлі людзі на сёньняшнім маршы

14:53 31.10.2020

Менск. Калёна пратэстоўцаў каля цырку, пад’ехалі аўтобусы зь міліцыянтамі

Сумесны марш пратэсту жанчын і людзей з інваліднасьцю.
Сумесны марш пратэсту жанчын і людзей з інваліднасьцю.

14:55 31.10.2020

Фотагалерэя маршу пратэсту ў Менску

14:57 31.10.2020

Падчас жаночага маршу ДАІ спыніла машыну, якая падтрымлівала ўдзельніц акцыі

Людзі на месцы пачалі зьбіраць грошы кіроўцу, але ён ад адмовіўся.

Загрузіць яшчэ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG