Лінкі ўнівэрсальнага доступу

Як у Менску прайшлі суботнія маршы жанчын і людзей з інваліднасьцю, а ў Горадні — марш у падтрымку «Азоту»


Сумесны марш пратэсту жанчын і людзей з інваліднасьцю, Менск, 31 кастрычніка.
14:32 31.10.2020

Калёна жанчын і людзей з інваліднасьцю дайшлі да Кастрычніцкай плошчы Менска

14:26 31.10.2020

Удзельнікі жаночага маршу і маршу людзей з інваліднасьцю аб’ядналіся ў адну калёну

Гэта адбылося на скрыжаваньні праспэкта Незалежнасьці з вуліцай Валадарскага ў Менску. Удзельнікі маршу людзей з (не)абмежаванымі магчымасьцямі рухаліся ад Чырвонага касьцёла.

Жаночы марш накіроўваўся да праспэкта Незалежнасьці ад кінатэатра «Беларусь» па Раманаўскай Слабадзе і вуліцы Валадарскага. Зараз у агульнай калёне каля 200 чалавек.

Дэманстранты скандуюць: «Нашы дзеці лепш за ўсіх!», «Глядзі ў акно, а не ў тэлевізар!». Праходзячы міма будынкаў МУС і КДБ, удзельнікі акцыі таксама скандавалі «Трыбунал!»

Дэманстрантаў суправаджаюць сілавікі ў мікрааўтобусах. Аўтамабілісты, якія праяжджаюць ля іх, сігналяць у падтрымку акцыі.

14:20 31.10.2020

Аб’яднаная калёна людзей з маршу жанчын і людзей зь інваліднасьцю каля КДБ скандуе «Выпускай!»

14:09 31.10.2020

На праспэкце Незалежнасьці марш жанчын аб'яднаўся з маршам людзей з інваліднасьцю

14:07 31.10.2020

У Менску пачаўся чарговы марш людзей зь (не)абмежаванымі магчымасьцямі

У цэнтры Менску пачаўся чарговы марш людзей з (не) абмежаванымі магчымасьцямі. Каля 40 удзельнікаў акцыі пайшла ад Чырвонага касьцёлу па праспэкт Незалежнасьці. У іх ліку вядомы грамадзянскі актывіст 83-гадовы паэт Ян Грыб, людзі ў інвалідных калясках, а таксама з мыліцамі і кіямі. Дэманстранты нясуць кветкі, бел-чырвона-белыя стужкі і сьцягі, плякаты з надпісамі: «Я хаджу за ўнучак, Танечку і Сашаньку», «Інваліды супраць катаваньняў», «Наша вазьму! Жыве Беларусь!» і іншымі.

За тым, што адбываецца назіраюць супрацоўнікі міліцыі ў форме, вядзецца відэаздымка. У мэгафон прысутных папярэджвалі аб тым, што мерапрыемства несанкцыянаванае.

Сёньняшні марш праходзіць пад дэвізам «Інваліды цела супраць бязьмежжа інвалідаў душы». Папярэдні падобны марш прайшоў 22 кастрычніка і доўжыўся каля двух гадзін. Яго ўдзельнікі прайшлі ад Чырвонага касьцёла да Кастрычніцкай плошчы.

14:03 31.10.2020

Праходзячы каля СІЗА на вуліцы Валадарскага, удзельніцы маршу скандуюць «Свабоду!»

13:58 31.10.2020

Некалькі соцень удзельніц жаночага маршу скандуюць «Честные выборы!»

13:54 31.10.2020

Новыя крычалкі на жаночым маршы

«Шчасьце бульбаша — жыцьцё без Лукаша»,— жанчыны прыйшлі на вуліцу Нямігу з такой крычалкай.

13:52 31.10.2020

Некалькі соцень чалавек бяруць удзел у традыцыйным суботнім жаночым маршы

Удзельніцы акцыі сабраліся ў сквэры каля кінатэатра «Беларусь» у Менску. За імі назіралі двое супрацоўнікаў міліцыі ў форме. На прылеглых вуліцах стаялі мікрааўтобусы з сілавікамі.

У 13.30 жанчыны адправіліся калёнай па вуліцы Раманаўская слабада ў бок Нямігі, яны скандуюць лёзунгі ў падтрымку сумленных выбараў, палітвязьняў і страйкоўцаў.

Сёньняшні жаночы марш закліканы паказаць салідарнасьць са страйкоўцамі. «Мы выходзім на марш заклікаць усіх далучыцца да нацыянальнага страйкавага руху і падтрымаць тых, хто ўжо страйкуе», — гаварылася ў закліку да акцыі.

13:47 31.10.2020

На жаночы марш у Менску прыехалі сілавікі

Пакуль без затрыманняў.

13:43 31.10.2020

Жаночы марш рушыў па вуліцах Менску

Людзі скандуюць "Жыве Беларусь!"

13:42 31.10.2020

Міліцыя папераджае жанчын пра адказнасьць за несанкцыянаваную акцыю

Менск. Міліцыянт праз гукаўзмацняльнік паведамляе, што марш жанчын — несанкцыянаваны, за гэта жанчыны могуць быць прыцягнутыя да адказнасьці. Калёну здымае невядомы ў цывільным.

13:30 31.10.2020

Жаночы марш пачаўся ў Менску

Пунктам збору быў кінатэатр «Беларусь».

13:19 31.10.2020

Да ганку лінгвістычнага ўнівэрсытэта нясуць кветкі ў знак салідарнасьці з адлічанымі і пацярпелымі студэнтамі

13:13 31.10.2020

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG