Лінкі ўнівэрсальнага доступу

У Дзяржынску масава выклікаюць у міліцыю ўдзельнікаў мірных пратэстаў


Ілюстрацыйнае фота

22 кастрычніка некаторыя жыхары Дзяржынску атрымалі позвы ў міліцыю. Назаўтра ў пастарунак прыйшлі больш за дзесяць чалавек. Пра гэта расказалі мясцовыя жыхары.

«Раней у нас гэтулькі людзей у міліцыю не выклікалі: адных на прафіляктычную гутарку, іншых у сувязі з адміністрацыйным працэсам. Прычыны розныя. Адна зь іх — фатаздымак зь менскага маршу 6-га верасьня, на якім добра бачныя твары ўдзельнікаў. Фота разьмешчана ў інстаграме гораду, але позвы зьявіліся толькі цяпер», — расказалі жыхары Дзяржынску.

Частку грамадзян, якіх выклікалі па позвах, з пастарунку ня выпусьцілі — іх зьмясьцілі ў ІЧУ да панядзелка. «Чаму адных адпусьцілі, а іншых не, — невядома. Гутарку праводзіў намесьнік начальніка РАУС, начальнік міліцыі грамадзкай бясьпекі падпалкоўнік Сапешка».

Увечары 22 кастрычніка затрымалі сямейную пару, якая расклейвала налепкі ў горадзе, іх таксама пакінулі ў ІЧУ, нягледзячы на тое, што ў іх непаўналетні сын.

«У іх забралі два пляншэты, сьцяг, тэлефон і 9 улётак», — паведамілі Свабодзе жыхары Дзяржынску. Імёнаў затрыманых яны не назвалі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG