Лінкі ўнівэрсальнага доступу

ЗША пашыраць санкцыі супраць «Паўночнага патоку — 2»


ЗША пашыраць санкцыі супраць праекту будаўніцтва расейскага газаправоду «Паўночны паток — 2». Цяпер яны закрануць кампаніі, якія ажыцьцяўляюць паслугі або фінансаваньне для ўстаноўкі абсталяваньня на суднах, якія ўдзельнічаюць у праекце. Гэта можа спыніць работы па ўкладцы труб газаправоду.

Праект прадугледжвае будаўніцтва дзьвюх нітак газаправоду агульнай магутнасьцю 55 мільярдаў кубамэтраў газу ў год ад узьбярэжжа Расеі да Нямеччыны па дне Балтыйскага мора. Меркавалася, што ўкладка труб будзе завершаная ў 2019 годзе. Аднак праца была прыпыненая пасьля таго, як Кангрэс ЗША прыняў пакет санкцый супраць удзельнікаў работ.

ЗША выступаюць супраць праекту, сьцьвярджаючы, што ён робіць Эўропу празьмерна залежнай ад расейскага газу і дазволіць узмацніць палітычны ціск на Ўкраіну, празь якую газ транспартуецца ў Эўропу цяпер.

Такую пазыцыю падзяляюць Кіеў і некалькі краін ЭЗ. Расея, Нямеччына, Аўстрыя і шэраг іншых краін, кампаніі якіх удзельнічаюць у будаўніцтве, настойваюць, што гаворка ідзе выключна пра бізнэс-праект.

Паводле ацэнкі Bloomberg, засталося пракласьці крыху больш за 100 кілямэтраў труб. 25 верасьня праект падтрымаў міністар эканомікі Нямеччыны Пэтэр Альтмаер. 17 кастрычніка міністар замежных спраў гэтай краіны Гайка Маас заявіў у інтэрвію RND, што лічыць, што праект будзе даведзены да канца.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG