Лінкі ўнівэрсальнага доступу

Экс-ідэоляга Берасьцейскага гарвыканкаму асудзілі на 15 сутак за ўдзел у акцыі 


Пратэстная актыўнасьць у Берасьці

19 кастрычніка суд Ленінскага раёну Берасьця вынес рашэньне ў справе былой супрацоўніцы аддзелу ідэалёгіі гарвыканкаму Вікторыі Драгабецкай і яе мужа Дзьмітрыя Лазарчука.

Абаіх абвінавацілі ва ўдзеле ў несанкцыянаваным мерапрыемстве і пакаралі 15 суткамі арышту кожнага, паведамляе Tut.by.

Да матэрыялаў справы быў прыкладзены відэазапіс з маршу пратэсту 13 верасьня. На кадрах бачна, як Драгабецкая і Лазарчук ідуць па праспэкце Машэрава.

Вікторыя патлумачыла, што ў той дзень яны з мужам гулялі ў цэнтры гораду, а калі ўбачылі ўдзельнікаў маршу, вырашылі паглядзець, што адбываецца.

Затрымалі іх больш як празь месяц: спынілі 16 кастрычніка на выхадзе з Дома правасудзьдзя, куды яны прыехалі падтрымаць знаёмага — яго судзілі па тым жа артыкуле 23.34 КаАП. Выходныя Вікторыя і Дзьмітры правялі ў ІЧУ Ленінскага РАУС, а ў панядзелак іх даставілі ў суд.

Падчас паседжаньня прагучалі станоўчыя характарыстыкі Вікторыі зь мінулых месцаў працы — «Буг-ТБ» і Берасьцейскага гарвыканкаму. Таксама да матэрыялаў прыклалі грамату за падрыхтоўку імпрэзаў у рамках 1000-годзьдзя гораду.

Аднак усе ранейшыя заслугі гарадзкога ідэоляга суд праігнараваў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG