Лінкі ўнівэрсальнага доступу

Азэрбайджан і Армэнія дамовіліся пра замірэньне ў Нагорным Карабаху. І пасьля гэтага заявілі пра абстрэлы

абноўлена

Ілюстрацыйнае фота
Ілюстрацыйнае фота

Азэрбайджан і Армэнія на перамовах у Маскве дамовіліся пра спыненьне агню ў Нагорным Карабаху з 12-й гадзіны 10 кастрычніка.

Падчас замірэньня бакі канфлікту абмяняюцца палоннымі і целамі загінулых.

Сытуацыя ў Нагорным Карабаху абвастрылася 27 верасьня, на лініі судакрананьня ішлі баі з выкарыстаньнем цяжкіх узбраеньняў. Бакі паведамляюць пра шматлікія чалавечыя страты, у тым і сярод мірнага насельніцтва.

Новыя абвінавачаньні пасьля перамоў

Пры гэтым у суботу абодва бакі канфлікту зноў паведамілі пра баі ў Карабаху і ўжываньне вялікай колькасьці бесьпілётнікаў і артылерыі.

МЗС Армэніі заявіў, што, «праігнараваўшы спыненьне агню», азэрбайджанскія падразьдзяленьні ў 12:05 нібыта распачалі атаку на мясцовасьць пад назвай Карахамбейлі, паведамляе прэс-сакратар Мінабароны Армэніі Шушан Стэпаньян.

У Мінабароны Азэрбайджану назвалі паведамленьні армянскага боку «хлусьнёй і чарговай правакацыяй праціўніка». У сваю чаргу, ведамства абвінаваціла Армэнію раніцай 10 кастрычніка ў абстрэлах сёлаў у чатырох раёнах.

Міністэрства абароны Армэніі таксама абвергла паведамленьне пра абстрэл у Тэртэрскім і Агдамскім раёнах.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG