Лінкі ўнівэрсальнага доступу

Арганізацыя па забароне хімічнай зброі пацьвердзіла, што Навальны быў атручаны «Навічком»


Аляксей Навальны
Аляксей Навальны

Арганізацыя па забароне хімічнай зброі (АЗХЗ) перадала ўчора ўраду Нямеччыны справаздачу сваёй місіі, якая дасьледавала выпадак з атручэньнем Аляксея Навальнага 20 жніўня 2020 году. Нямецкі ўрад прасіў АЗХЗ аб тэхнічнай дапамозе ў гэтай справе.

Перададзеныя ўраду Нямеччыны вынікі аналізаў біямэдычных узораў, праведзеных сэртыфікаванымі лябараторыямі АЗХЗ, пацьвярджаюць, што біямаркеры інгібітару халінэстэразы, знойдзеныя ў крыві Навальнага і ўзорах мачы, маюць структурныя характарыстыкі, падобныя да таксычных рэчываў клясы 1.А.14 і 1.А.15.

Сталае прадстаўніцтва Нямеччыны ў АЗХЗ зьвярнулася з просьбай аб тым, каб Тэхнічны сакратарыят разаслаў высновы гэтай справаздачы ўсім дзяржавам — удзельніцам Канвэнцыі аб забароне хімічнай зброі і адкрыў грамадзкі доступ да гэтых высноваў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG