Кніга пад назвай «Ласкавы апавядальнік» («Czuły narrator») трапіць у продаж 12 лістапада. Яна складаецца з дванаццаці нарысаў і лекцыяў, у тым ліку шырока камэнтаванай нобэлеўскай прамовы польскай пісьменьніцы.
«Гэта будзе эсэістычная кніга, у якой аўтарка запросіць нас за кулісы сваёй творчасьці», — абвясьціў у суботу Вальдэмар Папека з выдавецтва Wydawnictwо Literackie. Ён дадаў, што гэта першая кніга пісьменьніцы пасьля атрыманьня Нобэлеўскай прэміі ў літаратуры.
58-гадовая польская пісьменьніца і паэтка Вольга Такарчук — уладальніца міжнароднай Букэраўскай прэміі, а летась атрымала Нобэлеўскую прэмію ў літаратуры за 2018 год.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў