Яшчэ да 8-дзённага арышту за дваровы канцэрт на менскай вуліцы Ангарскай музыка Аляксандар Памідораў пасьпеў паўдзельнічаць у запісе «рэвалюцыйнага відэакліпу».
«Марш» — супольная праца Аляксандра Памідорава і «ўдарнага калектыву» Drum Ecstasy на чале зь Філіпам Чмыром.
Аўтарская кампазыцыя ўяўляе сабой барабанны рэчытатыў у выкананьні Аляксандра Памідорава, яна прысьвечаная шматтысячным акцыям пратэсту супраць цяперашняга палітычнага рэжыму.
Відэашэраг да трэку змантаваны з аматарскіх відэа, зьнятых падчас акцый сябрамі музыкаў і неабыякавымі беларусамі. Усе імёны датычных да рэалізацыі праекту будуць апублікаваныя пасьля перамогі, абяцаюць на сваім YouTube-канале ўдзельнікі Drum Ecstasy.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў