Лінкі ўнівэрсальнага доступу

«Ігару сьвядома ствараюць нечалавечыя ўмовы». Зварот жонкі палітвязьня Лосіка


Ігар Лосік

Жонка палітвязьня Ігара Лосіка Дар’я Лосік расказала пра ўмовы ўтрыманьня яе мужа ў турме № 8 у Жодзіне. Дарʼя лічыць, што мужу сьвядома ствараюць нечалавечыя ўмовы.

Паводле Дарʼі, Ігара запалохваюць, прымушаюць даць непраўдзівыя паказаньні на іншых людзей. У Ігара няма ніякай сувязі з вонкавым сьветам, ані газэт, ані тэлевізара. У нядзелю да палітвязьня прывялі чалавека з пэдыкулёзам.

На адміністратара суполкі «РБ головного мозга» і фрылансэра-кансультанта Радыё Свабода Ігара Лосіка завялі крымінальную справу паводле артыкула за арганізацыю масавых беспарадкаў.

Лосіка затрымалі 25 чэрвеня пасьля ператрусу дома ў Баранавічах. На ягоны канал «РБ головного мозга» падпісаныя 167 тысяч чалавек.

Ігар Лосік актыўна асьвятляў падзеі вакол сёлетніх выбараў прэзыдэнта Беларусі. Праваабаронцы прызналі Ігара Лосіка палітвязьнем.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG