Лінкі ўнівэрсальнага доступу

Жаночы марш у Менску,  рэпэтыцыя «народнай інаўгурацыі» Сьвятланы Ціханоўскай, 26 верасьня 2020 году.
Жаночы марш у Менску,  рэпэтыцыя «народнай інаўгурацыі» Сьвятланы Ціханоўскай, 26 верасьня 2020 году.

У Менску прайшоў Жаночы марш, удзельніц якога захоплівалі сілавікі ў балаклавах. Каля сотні затрыманых

Свой суботні марш жыхаркі Менска назвалі рэпэтыцыяй «народнай інаўгурацыі» Сьвятланы Ціханоўскай.

Як сілавікі затрымлівалі дзяўчыну, якая падарыла ім кветкі. Відэа

У Менску адкрылі мэтро, сілавікі разьяжджаюцца

Мэтро «Плошча Перамогі» адкрылі, сілавікі разьяжджаюцца з цэнтру гораду.

Сілавікі затрымалі яшчэ трох журналістак

Затрымалі журналістку «Нашай Нівы» Кацярыну Карпіцкую, паведамляе «Наша Ніва». Таксама затрыманыя журналістка TUT.BY Аляксандра Эльбаўм і Марыя Вайтовіч з «Эўрарадыё», піша Белсат.

Працягваюць затрымліваць жанчын на праспэкце Незалежнасьці.

«Жаночы марш» у Менску скончыўся. Затрымалі музыкаў, якія гралі «Перемен»

Паводле журналістаў Свабоды, «Жаночы марш» у Менску скончыўся, агулам затрыманыя каля сотні чалавек. Праваабаронцам «Вясны» на цяперашні момант вядомыя прозьвішчы 37 затрыманых, сьпіс абнаўляецца.

У 15:50 праваабаронцам «Вясны» паведамілі, што ў пераходзе на плошчы Якуба Коласа затрымалі вулічных музыкаў кавэр-гурту Best Sound Band.

Паводле папярэдняй інфармацыі — чатырох. Забралі іх разам з музычнымі інструмэнтамі. Перад гэтым, калі міма праходзіла калёна пратэстоўцаў, яны ў пераходзе выконвалі песьню Віктара Цоя «Перемен».

Сілавікі затрымліваюць жанчын у дварах

У дварах менскай гімназіі № 23 сілавікі ў балаклавах працягваюць затрыманьні, забралі там некалькі дзясяткаў жанчын, перадаюць карэспандэнты Свабоды. Але затрымалі яны яшчэ ня ўсіх удзельніц маршу, некаторыя застаюцца на волі і працягваюць гуляць па ходніках праспэкту Незалежнасьці.

Зноў затрыманьні

На праспэкце Незалежнасьці каля менскай гімназіі № 23 сілавікі ў балаклавах і ў чорных шлемах пачалі затрымліваць жанчын. Сілавікоў тут шмат, яны нясьпешна выбіраюць сабе ахвяр і цягнуць у аўтобусы, перадае карэспандэнт Свабоды. Тут каля дзясятка мікрааўтобусаў з АМАПам.

Калёна разьвярнулася і пайшла на Якуба Коласа

Пабачыўшы шэраг АМАПу на плошчы Перамогі, калёна жанчын разьвярнулася і пачала рух назад на плошчу Якуба Коласа.

Марш набліжаецца да плошчы Перамогі, там іх чакае АМАП

Жанчыны па ходніках падыходзяць да плошчы Перамогі, там іх чакае АМАП. Зьявіліся плякаты, сярод іх «Лукашэнку ў аўтазак», «Перамаглі фашыстаў – пераможам і нелюдзяў», «Сьвета – прэзыдэнт».

Жанчыны ідуць у дзьвюх калёнах да плошчы Перамогі

Жанчыны рухаюцца дзьвюма калёнамі па ходніках праспэкту Незалежнасьці, агулам каля 200 чалавек. Ідуць да плошчы Перамогі, у іх нацыянальныя сьцягі і кветкі.

Мэтро на Якуба Коласа закрылі

Станцыя мэтро «Плошча Якуба Коласа» закрытая, перадае канал #МотолькоПомоги.

Тым часам у падземным пераходзе на плошчы Якуба Коласа невядомы гурт выконвае песьню Віктара Цоя «Перемен».

„Жаночы марш“ зноў ідзе на Якуба Коласа

У калёне засталіся сто чалавек, жанчыны зноў ідуць на плошчу Якуба Коласа, дасталі бел-чырвона-белыя сьцягі і парасоны.

Жанчыны на плошчы Якуба Коласа праз падземны пераход дайшлі ля філярмоніі, там знаходзіцца яшчэ адна група.

Невядомыя ў масках і зялёнай форме без апазнавальных знакаў зносяць жанчын каля ЦУМу ў Менску.

Зноў пачаліся затрыманьні, адна дзяўчына страціла прытомнасьць

Калёна жанчын разьвярнулася і вяртаецца назад на плошчу Якуба Коласа, але іх дагналі сілавікі ў балаклавах, яны прыехалі ў 7 аўтобусах. Зноў пачаліся затрыманьні. Валакуць за рукі і ногі, не пускаюць схавацца ў падземным пераходзе.

Каля рэстарацыі «Лідо» ў Менску ўпала дзяўчына, страціла на нейкі час прытомнасьць. Ёй дапамагаюць мэдыкі.

На праспэкт Незалежнасьці ў раёне плошчы Якуба Коласа прыехала яшчэ тры аўтазакі і шэсьць мікрааўтобусаў зь сілавікамі.

Жанчыны зноў сабраліся і пайшлі па праспэкце Незалежнасьці

Нягледзячы на затрыманьні, на праспэкт Незалежнасьці ў Менску ў раёне плошчы Якуба Коласа выйшлі некалькі соцень жанчын, да іх далучылася вялікая група, якая стаяла ля Інстытуту фізкультуры.

Жанчыны сфармавалі калёну, усклалі нацыянальныя сьцягі на плечы, паднялі бел-чырвона-белыя парасоны і пайшлі па ходніках праспэкту Незалежнасьці. Тут сабраліся некалькі соцень жанчын, далучаюцца новыя людзі. Машыны сыгналяць на знак падтрымкі.

Ніну Багінскую адпусьцілі

На «Жаночым маршы» дзясяткі затрыманых

Затрыманыя дзясяткі жанчын, паведамляе карэспандэнт Свабоды. Сярод затрыманых былая кіраўніца прытулку для ахвяраў хатняга гвалту «Радзіслава» Вольга Габрунова і ЛГБТ-актывістка Віка Біран.

На пляцоўцы каля гандлёвага цэнтру «Імпульс» яшчэ застаюцца некалькі дзясяткаў жанчын.

Сілавікі хапаюць таксама выпадковых мінакоў. «Што мы вам зрабілі?» — скандуюць жанчыны.

Затрымалі дзьвюх журналістак

На Камароўцы затрымалі карэспандэнтку «Эўрарадыё» Юлію Матузаву. Перад затрыманьнем у як праверылі акрэдытацыю — і затрымалі, нягледзячы на тое, што акрэдытацыя дзейная, а журналістка мела пасьведчаньне і камізэльку «Прэса».

Таксама затрымалі журналістку Белсату Марыю Грыц.

Пасьля 10 хвілінаў знаходжаньня ў міліцэйскай машыне журналістку Юлію Матузаву вызвалілі. Міліцыянт у форме і ў масцы «дазволіў» ёй працаваць далей, піша БАЖ.

Каля гандлёвага цэнтру «Імпульс» усіх заблякавалі сілавікі ў балаклавах, хапаюць і цягнуць у мікрааўтобусы. Тут каля 20 бусікаў зь сілавікамі ў балаклавах, паведамляе карэспандэнт Свабоды.

Каля сотні жанчын з кветкамі ад Камароўкі ідуць на праспэкт Незалежнасьці. Крычаць «Далучайся!», пляскаюць у далоні, паведамляе карэспандэнт Свабоды.

Як піша Tut.by, гэты мужчына абурыўся тым, што людзі ў масках без апазнавальных знакаў затрымліваюць людзей. У выніку яго затрымалі.

Загрузіць яшчэ

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

XS
SM
MD
LG