Лінкі ўнівэрсальнага доступу

Праваабаронцы сабралі прозьвішчы больш як 200 затрыманых у Менску і рэгіёнах. Абнаўляецца


Затрыманьні ў Горадні

Праваабаронцы «Вясны» зьбіраюць сьпісы затрыманых у Менску і рэгіёнах падчас Маршаў справядлівасьці 20 верасьня ў розных гарадах Беларусі.

Сёньня падчас акцый пратэсту ў Менску, Берасьці, Горадні, Гомлі, Магілёве, Бабруйску, Наваполацку, Салігорску, Дзяржынску, Ваўкавыску адбыліся кропкавыя затрыманьні дэманстрантаў.

Паводле стану на 23.00 праваабаронцам вядомыя прозьвішчы ўжо 166 затрыманых у Менску і агулам 69 затрыманых — у рэгіёнах. Сьпіс дапаўняецца.

Сярод дастаўленых у пастарункі — вядомы горадзенскі гісторык, доктар навук Алесь Смалянчук, магілёўскія журналісты Аліна Скрабунова і Аляксандар Сідарэўскі, а таксама Алег Маісееў, давераная асоба кандыдаткі ў прэзыдэнты Сьвятланы Ціханоўскай.

Таксама ў Горадні зь невядомых прычын быў спынены аўтамабіль, экіпаваныя сілавікі выбілі шкло, выцягнулі і брутальна затрымалі кіроўцу. Машына так і засталася з адчыненымі дзьвярыма на дарозе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG