Міліцыя і ўнутраныя войскі сьцягнулі тэхніку і жывую сілу ў раён Вярхоўнага суду і Палацу Незалежнасьці ў Менску.
Чакаецца, што сюды плянуюць прыйсьці ўдзельнікі «Маршу салідарнасьці» 20 верасьня.
Калёна вайсковай тэхнікі, у тым ліку бронетранспартэры і вадамёты, занялі пазыцыі каля будынка «Менск-Экспа».
Дзясяткі грузавікоў з байцамі ўнутраных войскаў сталі каля агароджы рэзыдэнцыі Аляксандра Лукашэнкі, дзе ён падчас некалькіх акцый публічна зьяўляўся з аўтаматам наперавес.
Шмат міліцэйскай спэцтэхнікі, уключна з аўтазакамі і аўтобусамі, прыпаркавана на вуліцы Сапэраў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў