Пранкер Аляксей Сталяроў (Лексус) апублікаваў запіс гутаркі нібыта Сьвятланы Ціханоўскай і прэзыдэнта Літвы Гітанаса Наўседы са старшынём Эўрапейскага парлямэнту Давідам Сасолі.
Ролі Ціханоўскай і Наўседы выканалі пранкеры.
Па выніках 23-хвіліннай размовы Сасолі запрасіў «Ціханоўскую» ў Эўрапейскі парлямэнт і паабяцаў падтрымаць усю беларускую апазыцыю.
Размова адбылася на італьянскай і ангельскай мовах.
«Вядома, мы разумеем, наколькі важная ваша дапамога (зьвяртаецца да пранкера, які гаворыць ад імя Наўседы. — РС), і мы асабліва былі рады бачыць спадарыню Ціханоўскую тут, у парлямэнце. Я думаю, гэта будзе вельмі важна ў сувязі з вашым эўрапейскім успрыманьнем», — сказаў Давід Сасолі падчас размовы, транскрыпцыю якой апублікавалі пранкеры.
Аднак уся размова з боку эўрапейскага чыноўніка была стрыманая і дыпляматычная, без сэнсацыйных заяваў або абяцаньняў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў