Лінкі ўнівэрсальнага доступу

310 тысяч чалавек падтрымалі Каардынацыйную раду на плятформе «Голас»


Плятформа «Голас» набрала больш за 1 млн карыстальнікаў.

Інтэрнэт-плятформа «Голас», якая вяла паралельны падлік галасоў на выбарах 9 жніўня, цяпер зьбірае галасы ў падтрымку Каардынацыйнай рады як прадстаўнічага органа прыхільнікаў пераменаў.

Арганізатары кампаніі перакананыя, што ад глыбокага палітычнага крызісу краіну выратуе толькі дыялёг народа і ўладаў, для арганізацыі якога стваралася Каардынацыйная рада.

«Але рэжым адмаўляецца чуць людзей і перашкаджае нашай працы, працягвае адрывацца ад рэальнасьці і ўпэўнена вядзе Беларусь да прававога, эканамічнага і зьнешнепалітычнаму дэфолту»,— заявіла Сьвятлана Ціханоўская разам зь сябрамі прэзыдыюму Каардынацыйнай рады Паўлам Латушкам і Вольгай Кавальковай.

Плятформа «Голас» заклікала беларусаў падтрымаць Каардынацыйную раду як асноўнага прадстаўніка беларускага грамадства, бо гэта можа паскорыць працэс пераменаў і дазволіць хутчэй сесьці за стол перамоваў. На гэты час на заклік адклікнулася 310 тысяч чалавек, пішуць арганізатары.

Спасылка на апытаньне ТУТ.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG