Лінкі ўнівэрсальнага доступу

За суткі ў Беларусі зафіксавалі 231 новы выпадак COVID-19


Ілюстрацыйнае фота

Колькасьць пацьверджаных выпадкаў каранавіруснай інфэкцыі COVID-19 у Беларусі дасягнула 75 461 (+231 за апошнія содні), памерлі 776 чалавек (+3), паведаміла Міністэрства аховы здароўя.

За мінулыя содні прырост новых выпадкаў інфэкцыі крыху зьнізіўся — 18 верасьня, згодна з афіцыйнай статыстыкай, было 243 новыя выпадкі і дзьве сьмерці.

Міністэрства аховы здароўя адзначае, што з пачатку рэгістрацыі ў краіне COVID-19 ачунялі і выпісаныя 73 212 пацыентаў (114 за апошнія содні).

Праведзена 1 715 380 тэстаў на каранавірусную інфэкцыю, у тым ліку за мінулыя содні — 14 590.

Міністэрства здароўя зь вясны не публікуе статыстыку захварэлых у абласьцях і Менску, а таксама цяжкіх хворых, якія знаходзяцца на апаратах штучнай вэнтыляцыі лёгкіх. Больш як чатыры месяцы міністэрства не праводзіць прэс-мерапрыемствы на гэтую тэму.


Паводле інфармацыі Міністэрства аховы здароўя, з расейскага боку атрыманы пакет дакумэнтаў для клінічнага выпрабаваньня камбінаванай вэктарнай вакцыны супраць каранавіруснай інфэкцыі COVID-19 «Гам-КОВИД-Вак» вытворчасьці Нацыянальнага дасьледчага цэнтру эпідэміялёгіі і мікрабіялёгіі імя Гамалеі Міністэрства аховы здароўя Расеі.

Плянуецца, што ў Беларусі да дасьледаваньня будуць залучаныя каля 100 удзельнікаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG