Лінкі ўнівэрсальнага доступу

Найбуйнейшы кліент «Беларуськалію» з Нарвэгіі едзе ў Салігорск, каб разабрацца


Пратэстовец у Салігорску

Кіраўніцтва найбуйнейшага ў Нарвэгіі пакупніка беларускага калію, кампаніі Yara, прыяжджае ў Салігорск на перамовы з кіраўніцтвам «Беларуськалію», дзе некаторых супрацоўнікаў звольнілі ці пасадзілі за краты за пратэсты.

«Я магу пацьвердзіць, што дэлегацыя з генэральным дырэктарам Свайн Тур Гульсэтэр у пятніцу паедзе ў Беларусь і Салігорск», – цытуе дырэктарку ў камунікацыях Yara Крыстын Нордал nrk.no.

На чале дэлегацыі Ґайр Сунбё, які прадстаўляе інтарэсы работнікаў у радзе Yara і трымае кантакт з прафсаюзным рухам Беларусі. Сунбё хоча разабрацца ў сытуацыі наўпрост з кіраўніцтвам «Беларуськалію» і мае намер правесьці сустрэчы зь лідэрамі прафсаюзу і страйкавага руху.

Сунбё заявіў, што вельмі занепакоены тым, што рабочыя беларускага пастаўшчыка калію цярпяць турэмнае зьняволеньне і жорсткае абыходжаньне.

Раней, кампанію Yara крытыкавалі за тое, што яна купляе ў Беларусі ўгнаеньні на тле жорсткіх рэпрэсій супраць шахтароў «Беларуськалію». Нарвэская кампанія ўжо дасылала заклапочаныя лісты кіраўніцтву «Беларуськалію», але адказу не атрымала.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG