Лінкі ўнівэрсальнага доступу

Міжнародная арганізацыя працы ўступілася за арыштаваных прафсаюзных актывістаў у Беларусі


Пратэст перад судом «Беларуськалію» супраць страйкаму, 11 верасьня 2020
Пратэст перад судом «Беларуськалію» супраць страйкаму, 11 верасьня 2020

З заклікам не дапусьціць парушэньняў правоў чалавека і «забясьпечыць захаваньне ў поўнай меры правоў і свабодаў працаўнікоў» ва ўмовах пратэстаў, якія ахапілі краіну ў апошнія тыдні, зьвярнуўся да Аляксандра Лукашэнкі генэральны дырэктар Міжнароднай арганізацыі працы Гай Райдэр.

У лісьце кіраўніку Беларусі галава МАП заклікаў яго прыняць меры для вызваленьня шасьцярых прафсаюзных актывістаў, якія застаюцца пад вартай у сувязі з удзелам у мірных пратэстах і страйках, і зьняцьця зь іх усіх абвінавачаньняў.

Райдэр нагадаў Лукашэнку, што ўрад нясе адказнасьць за забесьпячэньне асяродзьдзя, свабоднага ад гвалту, пагрозаў або ціску ў дачыненьні да мірных пратэстаў працаўнікоў.

«Ніхто не павінен быць пазбаўлены волі або пакараны проста за факт арганізацыі мірнага страйку або акцыі пратэсту і ўдзелу ў іх», — піша кіраўнік МАП.

Ён падкрэсьліў, што зьвярнуўся зь лістом да ўладаў Беларусі на просьбу Міжнароднай канфэдэрацыі прафсаюзаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG