Лінкі ўнівэрсальнага доступу

«Шарытэ»: Навальны ўжо можа ўставаць з ложка


Аляксей Навальны

Стан Аляксея Навальнага працягвае паляпшацца, ён быў адключаны ад апарата штучнай вэнтыляцыі лёгкіх і ўжо можа на кароткі час уставаць з ложка, сказана ў афіцыйным паведамленьні бэрлінскай клінікі «Шарытэ», у якой палітык лечыцца пасьля атручваньня.

У паведамленьні падкрэсьліваецца, што яно публікуецца з дазволу Навальнага і яго жонкі.

У нямецкай клініцы Навальны знаходзіцца ад 22 жніўня. Яму стала дрэнна за два дні да гэтага — 20 жніўня ў самалёце падчас палёту з Томску ў Маскву. Паводле паплечнікаў, Навальнага, хутчэй за ўсё, атруцілі таксінам, які маглі падмяшаць у гарбату.

У Расеі заявілі, што ніякіх ядаў у арганізьме апазыцыянэра не знайшлі.

2 верасьня афіцыйны прадстаўнік ураду ФРГ Штэфан Зайбэрт заявіў, што ў арганізьме Навальнага знайшлі сьляды хімічнага атрутнага рэчыва з групы «Навічок», а канцлер Нямеччыны Ангела Мэркель запатрабавала ад Расеі тлумачэньняў. Расейскія ўлады катэгарычна адмаўляюць дачыненьне да атручваньня апазыцыйнага палітыка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG