Раніцай 12 верасьня на даху шматпад’езнага дому на вуліцы Старажоўскай у Менску залуналі 12 нацыянальных бел-чырвона-белых сьцягоў.
У суседнім доме жыве пісьменьніца Сьвятлана Алексіевіч, якая з сваіх вокнаў магла бачыць сьцягі.
У апошнія дні на Нобэлеўскую ляўрэатку ціснуць сілавікі — яна засталася апошняй удзельніцай прэзыдыюму Каардынацыйнай рады, каго не арыштавалі і ня выціснулі за мяжу. Каб перадухіліць затрыманьне, у яе кватэры знаходзяцца эўрапейскія дыпляматы.
