Лінкі ўнівэрсальнага доступу

У Магілёве аднаму зь лідэраў пратэстаў прысудзілі яшчэ 8 сутак арышту


Валадар Цурпанаў (у цэнтры) на акцыі 23 жніўня

Вэтэрану магілёўскага апазыцыйнага руху Валадару Цурпанаву дадалі яшчэ восем сутак арышту ды аштрафавалі яго на 270 рублёў за непавагу да суду. Цяпер ён адбывае ў ізалятары 20 сутак адміністрацыйнага арышту.

Судзьдзя Ленінскага суду Вікторыя Палякова прызнала Цурпанава вінаватым у актыўным удзеле 23 жніўня ў несанкцыянаваным пікеце на плошчы Леніна. Паводле матэрыялаў справы, актывіст трымаў бел-чырвона-белы сьцяг і выказваўся супраць дзейнай улады.

Судзілі Цурпанава праз скайп. Актывіст, перад тым як пачаўся працэс, заявіў, каб яму далі перакладчыка, а калі судзьдзя ўзялася разглядаць справу, не адрэагаваўшы на ягоную заяву, жорстка выказаўся пра яе. Вікторыя Палякова палічыла паводзіны абвінавачанага непавагай да суду, аштрафавала яго і пазбавіла ўдзелу ў працэсе.

На 20 сутак Цурпанава асудзілі за тое, што 1 верасьня ён прыйшоў на лінейку ў 43-ю магілёўскую школу і заклікаў пэдагогаў, якія працавалі ў выбарчых камісіях, прызнаць факты фальсыфікацыі выбараў ды «пакаяцца, стаўшы на калені».

Актывіста прызналі вінаватым у дробным хуліганстве і непадпарадкаваньні службовай асобе.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG