Лінкі ўнівэрсальнага доступу

Міністар спорту даручыў падначаленым скасаваць падпіску на газэту «Прессбол», якая дае слова крытыкам улады 


Міністар спорту і турызму Сяргей Кавальчук

Да журналістаў трапіў пратакол даручэньняў Міністэрства спорту і турызму за подпісам кіраўніка ведамства Сяргея Кавальчука.

Згодна з дакумэнтам, структурныя падразьдзяленьні (упраўленьні спорту і турызму аблвыканкамаў і Менгарвыканкаму, спартовыя клюбы Фэдэрацыі прафсаюзаў, таварыства «Дынама» ды іншыя) абавязаныя да 31 жніўня даць справаздачу аб падпісцы на спартовыя выданьні.

Даручэньне Мінспорту аб забароне падпіскі на "Прессбол"
Даручэньне Мінспорту аб забароне падпіскі на "Прессбол"

У прыватнасьці, пункт даручэньня № 1 загадвае спыніць ад 31 жніўня дзяржаўную падпіску на друкаваныя выданьні рэдакцыі газэты «Прессбол», а таксама разарваць ранейшыя дамовы зь ёю на аказаньне рэклямных паслугаў.

Пункт № 2 абавязвае забясьпечыць «на пастаяннай аснове» дзяржаўную падпіску на газэту «Спортивная панорама», заснавальнікам якога ёсьць Міністэрства спорту і турызму.

Нядаўна газэта «Прессбол» надрукавала адкрыты ліст прадстаўнікоў спартовай галіны з палітычнымі патрабаваньнямі да ўладаў. Сярод іншага, там ідзецца пра новыя сумленныя выбары і пакараньне сілавікоў, датычных да гвалту над мірнымі пратэстоўцамі. Пад зваротам падпісаліся больш за 350 чалавек.

Таксама на яе старонках расказваецца пра шматтысячныя маршы прыхільнікаў пераменаў, друкуюцца інтэрвію з спартоўцамі, якія бяруць у іх удзел.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG