Лінкі ўнівэрсальнага доступу

БПЦ Маскоўскага патрыярхату папярэдзіла сьвятароў, каб ня бралі ўдзелу ў палітыцы


Мітрапаліт Менскі і Заслаўскі Павел наведаў параненых у лякарні хуткай дапамогі

Беларуская праваслаўная царква заклікала духавенства ўстрымацца ад удзелу ў палітычным жыцьці, а паству — не паддавацца на правакацыі.

Падзеі апошніх дзён выклікаюць трывогу і сур’ёзную асьцярогу за далейшае захаваньне міру і ўзаемаразуменьня ў грамадзкім жыцьці Айчыны, заявіла Беларуская праваслаўная царква, падкрэсьліўшы, што ня можа застацца ў баку ад таго, што адбываецца, гаворыцца ў тлумачэньні Сінадальнага аддзелу стасункаў Царквы і грамадзтва.

«Мы нагадваем сьвятарам пра абяцаньне, дадзенае перад Богам, ня браць удзелу ў палітычным жыцьці грамадзтва, каб ня быць спакусай і прадметам падзелу людзей», — папярэджваюць аўтары.

Адзначаецца, што Праваслаўная царква лічыць непрымальным заклік да ўдзелу ці няўдзелу ў палітычных акцыях і рашуча асуджае ўсе віды гвалту, распальваньня нянавісьці і нецярпімасьці ў любы бок — няхай гэта лекары, міліцыя, пэдагогі, прадстаўнікі ўлады ці іншыя сацыяльныя групы.

Пры гэтым у дакумэнце выказваецца надзея на расьсьледаваньне кампэтэнтнымі органамі ўсіх абуральных выпадкаў жорсткасьці і зьмяшчаецца заклік да хутчэйшага аднаўленьня міру, адзінства і ўзаемаразуменьня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG