Прынамсі 500 супрацоўнікаў сфэры аховы здароўя абнародавалі зварот з палітычнымі патрабаваньнямі.
У якасьці матывацыі яны адзначылі «шакавальныя праявы жорсткасьці з боку праваахоўных органаў, цяжкія наступствы зьбіцьця і катаваньняў сотняў грамадзянаў, маштабныя перашкоды ў прадастаўленьні мэдычнай дапамогі пацярпелым».
Мэдыкі запатрабавалі:
- адстаўкі Лукашэнкі,
- спыненьня гвалту,
- прыцягненьня да адказнасьці службоўцаў, якія перавысілі свае службовыя паўнамоцтвы,
- неадкладна даць мэдычнаму пэрсаналу бесперашкодны доступ у месцы ўтрыманьня для агляду ўсіх затрыманых.
У сувязі са шматлікімі фактамі парушэньня выбарчага заканадаўства і правоў грамадзянаў, выстаўляюцца таксама патрабаваньні:
- вызваліць грамадзян Рэспублікі Беларусь і іншых асобаў — удзельнікаў мірных акцый,
- адмяніць вынікі выбараў прэзыдэнта Рэспублікі Беларусь, што прайшлі 9 жніўня 2020 года і правесьці новыя празрыстыя выбары прэзыдэнта Рэспублікі Беларусь пры ўдзеле незалежных назіральнікаў,
- аддаць пад суд асобаў, якія маюць дачыненьне да фальсыфікацый вынікаў галасаваньня падчас правядзеньня прэзыдэнцкіх выбараў 2020 году.
