Аляксей Урбан, прэсавы сакратар экс-удзельніка кампаніі па выбарах прэзыдэнта Валера Цапкалы, паведаміў Свабодзе, што ў пятніцу быў атрыманы дакумэнт са сьледчых органаў, што Цапкала знаходзіцца ў вышуку па крымінальнай справе. Меркавана, паводле артыкула аб хабарніцтве.
«Цапкала на будучым тыдні зьбіраўся ў Беларусь, і гэтая інфармацыя пакуль перашкодзіць яму прыехаць. Магчыма, справа заведзеная адмыслова, каб ён не прыехаў. Таму пакуль пачакаем больш спрыяльнай сытуацыі, бо на волі ён больш карысны Беларусі, чым у турме», — сказаў Урбан.
Цяпер Валер Цапкала ў Кіеве, пазьней паедзе ў Варшаву, дзе ў яго заплянаваныя сустрэчы з польскімі і амэрыканскімі палітыкамі высокага ўзроўню наконт сытуацыі ў Беларусі.
