На акцыю разьвітаньня з Аляксандрам Тарайкоўскім каля мэтро Пушкінская прыйшла прадстаўніца аб’яднагага штабу Сьвятланы Ціханоўскай Марыя Калесьнікава. Яна была ў чорным адзеньні і чорных акулярах.
Людзі на месцы падзеі яе радасна сустрэлі, пляскалі ў далоні і крычалі “Жыве Беларусь”. Прамаўляць Калесьнікава ня стала.
Над сельсаветам у Падгорʼі Магілёўскага раёну ўзьнялі бел-чырвона-белы сьцяг
Зяленскі: ня дай Бог Беларусі атрымаць у сябе Данбас
Прэзыдэнт Украіны Ўладзімір Зяленскі назваў «дзіўным», «некарэктным» і «непрымальным» рашэньне ўладаў Беларусі перадаць Расеі 32 баевікі ПВК «Вагнэр», многія зь якіх, як сьцьвярджаецца, раней ваявалі ў Данбасе супраць украінскіх войскаў.
Рада інтэлігенцыі заклікала сабраць круглы стол для абмеркаваньня сытуацыі пасьля выбараў
«Народ выступіў нечакана моцна і аб яго проста разьбілася тая страшная сіла, — адзначыў Уладзімер Колас. — Беларусы заслужылі, каб гэты чысты парыў да свабоды быў пачуты. Мы абавязаныя зрабіць усё, каб пазьбегнуць расчараваньня і ня даць скарыстацца сытуацыяй недастойным людзям. Рада інтэлігенцыі выступае за тое, каб разам знайсьці выйсьце зь цяперашняй сытуацыі. Мы прапануем сваю пасярэдніцкую ролю для скліканьня аргкамітэту і правядзеньня круглага стала з шырокім грамадзкім удзелам».
Роварная кампания Kolobike дапаможа фінанасава пацярпелым на мірных акцыях
Менскі сэрвіс пракату Kolobike пачаў вяртаць ровары ў горад, праца аднаўляецца ад 15 жніўня пасьля 8 дзён недасяжнасьці, піша Tut.by.
Грошы, заробленыя з 15-га па 20-га, абяцаюць накіраваць на падтрымку пацярпелых на мірных акцыях. Раней карыстальнікаў сэрвісу, якія былі побач зь месцамі перадвыбарных акцыяў, штрафавалі за адсутнасьць люстэрак на пракатных роварах.
Кандыдат Чэрачань адмовіўся прызнаваць афіцыйныя вынікі выбараў
«Ня бачым падставаў прызнаць вынікі выбараў, якія мусілі прайсьці ў Беларусі 9 жніўня. Нармальнай электаральнай працэдуры — законнай і мірнай — не
Шмат людзей і на Альшэўскага, дзе з загінулым разьвітваюцца сваякі
Менск, Пушкінская цяпер
У Малілёве пратэстоўцы супраць гвалту прыйшлі да аблвканкаму
Уздож праезнай часткі праспэкту Міру цяпер больш за дзвье сотні чалавек. Многія зь дзецьмі. У руках кветкі. Скандуюць «Жыве Беларусь». Бел-чырвона-белыя сьцягі. Аўтамабілісты вітаюць сыгналамі. Людзі кажуць, што будуць стаяць пакуль ня выйдзе кіраўніцтва вобласьці.
Гэта супрацоўнікі «Белавія», яны таксама выйшлі на пратэст супраць гвалту
Горадня. Калёна зь дзясяткаў дэсантнікаў прайшла па цэнтры горада з плякатам «Мы з народам». Дарылі дзяўчатам кветкі.
Магілёў. Пратэстоўцы супраць гвалту прыйшлі да аблвканкаму. Уздоўж праезнай часткі праспэкту міру цяпер, як перадае журналіст на месцы, больш за дзьве сотні чалавек. Многія зь дзецьмі. У руках кветкі. Скандуюць «Жыве Беларусь», ёсьць бел-чырвона-белыя сьцягі. Аўтамабілісты вітаюць сыгналамі. Людзі кажуць, што будуць стаяць, пакуль ня выйдзе кіраўніцтва вобласьці
Людзі сталі на калені, калі выносілі труну з Тарайкоўскім
Разьвітаньне з Аляксандарм Тарайкоўскім у рытуальнай залі на вуліцы Альшэўскага заканчваецца. Труну выносяць, людзі сталі на калені, аплядуюць, паказваюць знак вікторыі і крычаць «Слава герою!». «Жыве Беларусь!»
Праз рытуальную залю прайшло каля 800 чалавек, якія паклалі кветкі і вянкі. Ля труны былі бацька, сястра і іншыя сваякі, яны плакалі. Людзі да іх не падыходзяць, бо працаўнікі рытуальнай залі папрасілі, каб не турбавалі сям’ю, мітынгу няма.
Ад рытуальнай залі людзі калёнай пайшлі да «Пушкінскай»
Труну зь целам Аляксандра Тарайкоўскага павезьлі на Заходнія могілкі. Ад рытуальнай залі на вуліцы Альшэўскага людзі пайшлі калёнай у некалькі соцень чалавек да мэтро «Пушкінская», дзе працягваецца грамадзянская цырымонія разьвітаньня з загінілым удзельнікам пасльявыбарчых пратэстаў.
«У АМАП зьвярыныя вочы». Пад гомельскім ІЧУ галадае маці затрыманага
Жыхарка Гомлі Натальля Марчанка абвясьціла галадоўку пад гомельскім ізалятарам часовага ўтрыманьня. Там адбывае суткі яе сын Кірыла. Яго схапілі і жорстка зьбілі 12 жніўня.
Сябра выбарчай камісіі: У выніковым пратаколе Ціханоўскай «не залічылі» 130 галасоў
Свабода паразмаўляла зь сябрам выбарчай камісіі настаўніцай Дар’яй Мама, якая не падпісала выніковы пратакол, у якім колькасьць галасоў за Ціханоўскую была заніжаная прыкладна на 130.
Акцыя супраць гвалту каля БДУ у Менску
Фота Арцёма Ляшко.
«Белавія» і супрацоўнікі менскага аэрапорту далучыліся да страйку
Супрацоўнікі кампаніі «Белавія» і Нацыянальнага аэрапорту «Менск» правялі акцыю пратэсту і падтрымалі страйк. Людзі трымалі ў руках літары, зь якіх складваўся лёзунг «Мы супраць гвалту». Таксама бачныя белыя і чырвоныя балёнікі і нацыянальныя сьцягі.
Як піша «Медиазона», супрацоўнікі кампаніі «Белавія» выйшлі на пратэст, бо на адным з пасьлявыбарчых мітынгаў моцна зьбілі пілёта кампаніі. Супрацоўнікі зьвязваліся з кіраўніцтвам наконт гэтага — тое «сьлёзна прасіла не баставаць, іначай кампанія памрэ тут жа».
Школьніка ўвялі ў штучную кому пасьля зьбіваньня амапаўцамі
12 жніўня супрацоўнікі АМАПу напалі на 16-гадовага Цімура М., які ішоў да свайго сябра. Хлопец, які сёлета скончыў 9 клясу, трапіў у рэанімацыю, яго ўводзілі ў кому і падключалі да апарату штучнай вэнтыляцыі лёгкіх.
Магілёў. Пратэстоўцы супраць гвалту прыйшлі да аблвыканкаму. ФОТА
Уздоўж праезнай часткі праспэкту Міру цяпер, як перадае журналіст на месцы, больш за дзьве сотні чалавек. Многія зь дзецьмі. У руках кветкі. Скандуюць «Жыве Беларусь». У людзей у руках шмат бел-чырвона-белых сьцягоў.