Лінкі ўнівэрсальнага доступу

Калектыў дзяржаўнай газэты «Звязда» заклікаў не ўжываць сілу да тых, хто выказвае сваю думку


Падшыўка газэты "Звязда" за 1969 год

Супрацоўнікі найстарэйшай беларускай газэты «Звязда» зь «неспакоем і болем» выказаліся пра тое, што гэтымі днямі адбываецца ў Беларусі.

«За больш чым 100 гадоў свайго існаваньня „Звязда“ ніколі не спыняла сваёй работы і нават у найцяжэйшыя часы несла чытачам веру і надзею. І сёньня мы ня можам заставацца абыякавымі да таго, што робіцца навокал», — гаворыцца ў звароце да чытачоў.

Звяздоўцы выказваюць падтрымку ўсім, хто пацярпеў у канфліктах апошніх дзён, іх сем’ям і блізкім.

«Мы заклікаем паважаць журналістаў, якія працуюць на месцы падзеяў і выконваюць свой прафэсійны абавязак. Заклікаем не ўжываць сілу ў дачыненьні да тых, хто выказвае сваю думку. Заклікаем усіх паважаць закон, але найперш — чалавечую годнасьць. Гвалт можа спарадзіць толькі гвалт», — адзначае калектыў рэдакцыі.

Журналісты і супрацоўнікі «Звязды» выступаюць за цывілізаваны шлях вырашэньня рознагалосьсяў. Пры гэтым падкрэсьліваюць, што шануюць заканадаўства Рэспублікі Беларусь, паводле якога кожны грамадзянін мае права адкрыта выказваць сваю пазыцыю, і лічаць, што закладзеныя ў яго правы і свабоды ёсьць неад’емнай часткай гарманічнага і згуртаванага грамадзтва.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG