Лінкі ўнівэрсальнага доступу

Затрымлівалі міліцыянта ў Наваполацку, які выступіў супраць гвалту. Але судзьдзя яго апраўдаў

абноўлена

Капітан міліцыі з Наваполацку, супрацоўнік Дэпартамэнту аховы Ягор Емяльянаў 11 жніўня апублікаваў у Instagram заяву аб звальненьні на фоне масавых пратэстаў.

Як піша Tut.by, Дэпартамэнт аховы сьцьвярджае, што яго звольнілі «за прагул», а жонка кажа, што яго 11 жніўня затрымалі: пасьля таго, як ён падаў рапарт на звальненьне, папрасілі прыехаць перааформіць дакумэнты.

Факт затрыманьня пацьвердзілі, у чым вінавацяць — не сказалі.

Жонка Ягора Емяльянава Марына расказала, што раніцай 13 жніўня судзьдзя вызваліў мужа.

«Абвінавачвалі па адміністрацыйным артыкуле ў арганізацыі масавых мерапрыемстваў», — сказала яна, піша «Настоящее время».

Участковы інспэктар з Гомля Іван Колас, які публікаваў відэазварот да калегаў з заклікам не чыніць гвалту супраць бяззбройных і не настаўляць зброю на пратэстоўцаў, зьнік, піша Tut.by.

Да яго ў ноч на чацьвер прыяжджалі дзьве машыны «забраць пасьведчаньне і жэтон», якія ён скінуў з акна.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG