Лінкі ўнівэрсальнага доступу

Макрон выказаў Пуціну занепакоенасьць гвалтам супраць грамадзян Беларусі


Уладзімір Пуцін (зьлева) і Эманюэль Макрон падчас перамоваў у Францыі 19 жніўня 2019

Францыя вельмі занепакоена гвалтам у Беларусі пасьля прэзыдэнцкіх выбараў, сказаў францускі прэзыдэнт Эманюэль Макрон у тэлефоннай размове з расейскім прэзыдэнтам Ўладзімірам Пуціным 12 жніўня.

Макрон сказаў Пуціну, што ён «вельмі заклапочаны сытуацыяй у Беларусі і тым гвалтам, зь якім грамадзяне сутыкнуліся падчас выбараў», — гаворыцца ў паведамленьні офісу прэзыдэнта Францыі.

«Ён падкрэсьліў неабходнасьць знайсьці шлях да дыялёгу».

Пуцін адным зь першых лідэраў краін павіншаваў Аляксандра Лукашэнку зь перавыбраньнем.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG