Лінкі ўнівэрсальнага доступу

Фалічны сымбаль на бюлетэні. Мастака, які зладзіў пэрформанс на выбарчым участку, затрымалі, будзе суд


Мастак Аляксей Кузьміч правёў мастацкую акцыю на выбарчым участку ў менскай школе № 44. Ён намаляваў на бюлетэні фалічны сымбаль, прымацаваў яго сабе на грудзі і так прастаяў, напалову аголены, паўхвіліны.

Аляксей Кузьміч выйшаў з кабінкі для галасаваньня ў набедранай павязцы, на грудзях прымацаваўшы бюлетэнь з намаляваным фалічным сымбалем, паведамляў Tut.by. Так ён прастаяў 30 сэкундаў, а потым сышоў з участку. На вачах у мастака была павязка, а на руках і нагах — сьляды ад чырвонай фарбы.

Каб атрымаць бюлетэнь, Аляксей Кузьміч зьявіўся на выбары ў плашчы да каленаў. У такім жа выглядзе Кузьміч выйшаў уначы ў Менск і стаў перад калёнай тэхнікі, якую выкарыстоўвалі для разгону мітынгоўцаў.

Перад правядзеньнем акцыі, якая называлася «Веру», Кузьміч паведаміў у пісьмовым выглядзе яе сэнс. Паводле мастака, у Беларусі адсутнічае выбар. Выбары «зьяўляюцца цырымоніяй эксцэнтрычнага фарсу, якая складаецца зь перасячэньня сучаснага выгляду рэлігійнага культу і (...) паводзін прыматаў».

На думку Кузьміча, у дзяржаве гэтыя інстынкты «ўзьведзеныя ў рэлігійны культ». Мэта акцыі, паводле яго, — выкрыць уладкаваньне палітычнага сьвету.

Як паведаміў Аляксей Кузьміч Свабодзе, з ранку 10 жніўня да яго ў кватэру ломяцца невядомыя. Па стане на 12:30 дзьверы ў кватэру Аляксея Кузьміча пачалі выбіваць сякерай. Па стане на 13:00 Аляксея Кузьміча затрымліваюць, да яго выехаў адвакат. Па стане на 16.00 стала вядома, што Кузьміч знаходзіцца ў пастарунку і яго будуць судзіць за хуліганства.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG