Лінкі ўнівэрсальнага доступу

Блогера-фэрмэра, які ішоў у прэзыдэнты, затрымалі ў жывым эфіры


Юры Ганцэвіч
Юры Ганцэвіч

Сёньня ў жывым эфіры затрымалі блогера-фэрмэра Юрыя Ганцэвіча. Ён жыве пад Гомлем. На гэтых выбарах зарэгістраваў сваю ініцыятыўную групу па збору подпісаў, але так іх і не зьбіраў.

Апошнім часам Ганцэвіч не праяўляў аніякай палітычнай актыўнасьці. Сёньня ён вёў стрым з поля побач са сваім домам, дзе нядаўна раскапаў крыніцу.

На стрыме «Пришёл попить святой водички» фэрмэр разважаў пра лёс роднай зямлі, пра тое, як навучыцца добра гаспадарыць. І тут зьявіліся супрацоўнікі міліцыі і АМАП, якія прапанавалі Ганцэвічу ісьці дахаты, бо яны маюць пастанову, санкцыянаваную пракурорам, на вобшук. Міліцыя і АМАП паведамілі, што заведзеная крымінальная справа за абразу супрацоўнікаў міліцыі па артыкуле 369 Крымінальнага кодэксу. Па вэрсіі міліцыі, у Ганцэвіча дома могуць знаходзіцца «рэчы і дакумэнты», якія маюць дачыненьне да крымінальнай справы.

«Давайце хутчэй, няма часу, — прысьпешваў фэрмэра супрацоўнік АМАП. — Тут столькі благіх спраў цяпер на вуліцы робіцца...»

Імаверна, крымінальную справу завялі і на Юрыя Ўласава — давераную асобу Сьвятланы Ціханоўскай. У яго ўчора дома быў вобшук, таксама ў межах крымінальнай справы за абразу супрацоўніка міліцыі. Потым Юрыя забралі ў ізалятар часовага ўтрыманьня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG