Лінкі ўнівэрсальнага доступу

Пасьля інцыдэнту са «сьмярдзючай вадой» звольнілі дырэктара «Менскводаканалу»


Менчукі ў чарзе па пітную ваду, 24 чэрвеня
Менчукі ў чарзе па пітную ваду, 24 чэрвеня

Алег Аўруцін больш не кіруе «Менскводаканалам». Выканаўцам абавязкаў дырэктара «Менскводаканалу» прызначаны галоўны інжынэр прадпрыемства Андрэй Бычкоў​, паведамляецца на сайце арганізацыі.

У Менскім гарвыканкаме пацьвердзілі, што Аўруцін 30 ліпеня вызвалены ад ранейшай пасады.

Tut.by паведамляе, што Алега Аўруціна звольнілі на ініцыятыву наймальніка. У канцы чэрвеня ў вадаправоды дамоў шэрагу раёнаў Менска трапіла «сьмярдзючая вада», ліквідацыя наступстваў заняла некалькі дзён.

Па словах суразмоўцаў парталу, знаёмых з галіной, звальненьне выглядае хутчэй як гісторыя пра «казла адпушчэньня» — Аўруціна характарызуюць як дбайнага, сучаснага кіраўніка. Тым ня меней не адмаўляюць, што ў сытуацыі з вадой меў месца і недагляд кіраўніка.

Днямі чарговая аварыя здарылася ў менскім мікрараёне Сухарава: з кранаў зноў пацякла ржавая вада, спатрэбіўся тэрміновы падвоз чыстай вады цыстэрнамі.

Выканаўцам абавязкаў дырэктара «Менскводаканалу» прызначалі галоўнага інжынэра прадпрыемства Андрэя Бычкова. Пры гэтым Алег Аўруцін застаецца дэпутатам Менгарсавету.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG