Лінкі ўнівэрсальнага доступу

Лідэр гурту «Ленинград» Сяргей Шнураў здымае фільм аб пратэстах у Хабараўску


Сяргей Шнураў на мітынгу ў Хабараўску 27 ліпеня 2020

У расейскім Хабараўску 27 ліпеня адбыўся чарговы мітынг у падтрымку арыштаванага экс-губэрнатара краю Сяргея Фургала. На пратэст прыйшоў заснавальнік гурту «Ленинград», генэральны прадусар тэлеканалу RTVI Сяргей Шнураў.

Як перадае карэспандэнт «Сибирь.Реалии», Шнураў патлумачыў, што прыехаў у Хабараўск здымаць фільм аб пратэстах.

— Чаму па цэнтральных каналах не паказваюць пратэстаў? — спыталі журналісты.

— Там нельга казаць: «Пуціна ў адстаўку», а па нашым канале можна. Мы ўсё пакажам, — заявіў Шнураў.

RTVI — прыватны расейскамоўны тэлеканал, які базуецца ў Нью-Ёрку.

Акцыі пратэсту ў Хабараўску і іншых гарадах краю праходзяць ужо два тыдні. Яны не ўзгадняюцца з уладамі, але паліцыя ня ўмешваецца. Акцыі праходзяць мірна. Пачаліся яны пасьля затрыманьня губэрнатара Сяргея Фургала, які быў абраны ў 2018 годзе. Нягледзячы на пратэсты, прэзыдэнт Пуцін адхіліў Фургала ад пасады і прызначыў Міхаіла Дзегцярова. Той, як і Фургал, прадстаўляе ЛДПР, аднак ня меў раней ніякага дачыненьня да Хабараўскага краю.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG